सबने उत्तर दिले आणि मुलगा ७ च्या नंतर घरात..!

|| श्री स्वामी समर्थ ||

नमस्कार,

नित्याप्रमाणे दुपारच्या दोन कन्सल्टिंग आटोपल्यावर चहा घेण्यासाठी ऑफिसच्या बाहेर पडणार तोच एक जातकाची आई आपल्या मुलाचा प्रश्न घेउन आमच्याकडे आली व त्यांचा मुलगा हा कालपासून घरातून निघून गेला होता. सर्वे सांगता सांगता मध्येच डोळ्यातून अश्रू सुरु झाले. 'आपला मुलगा येईल.. काळजी करू नका'.. असा धीर देतच सुरु असलेल्या कॉम्पुटर मधून ज्योतिषाचा पसारा उघडला व कुंडली मांडली.

जातक: सौ. चौघुले

दिनांक: २८/०२/२०१३

वेळ : १६:२५:४३ 

स्थळ: औरंगाबाद

त्या बाईकडून नंबर घेउन प्रश्न कुंडली मांडणार व पंचम स्थान लग्नी मांडावे असा विचार करीत होतो परंतु त्यांच्या मनाची स्थिती बघितली व क्षेत्र कुंडलीत चंद्र प्रश्नाचे स्वरूप दर्शवित असल्यास प्रश्न केवळ याच कुंडलीवरून सोडविण्याचे ठरविले.

३-९-१२ ही स्थाने प्रवासासाठी विचारात घेतात.

येथे चंद्र ३ स्थानी आहे, तो लग्नेश असून स्वनक्षत्री आहे व बुधाच्या सब मध्ये आहे. तर बुध हा ८ (चिंता व ९ स्थानाचे व्यय) स्थानी असून तो व्येयेश (१२) आहे. म्हणजेच चंद्र हा पूर्णत:  प्रश्नांचे स्वरूप दर्शवित आहे.

घरात कलह व भांडण करून जातक निघुन गेला ४ स्थानी राहू व शनी ते दर्शर्वीत असून कारण हे बायकोशी संभधित  चतुर्थ भावाचा (घर)  सब हा शुक्र (बायोको) असून तो ८ स्थानी आहे.

नियम:  ४ भावाचा सब हा  २ (३ भावाचे व्यय) ४ (घर) ११ (ईच्छापूर्ती) या भावापैकीच्या दशांतरदशेत हरवलेली व्यक्ती परत येते. 

आता पाहूया ४ भावाचा सब कुंडलीत काय दर्शवितो, तो शुक्र असून राहूच्या नक्षत्रात आहे व गुरुच्या सबमध्ये आहे. राहू हा शुक्राच्या राशीत आल्याने तो शुक्राचेच फळ देणार शुक्र  ४ (घर) ७ (खंडीत प्रवास) व तो लाभेश-११ (ईच्छापूर्ती) कार्येश आहे. ४-स्टेप च्या चौथ्या पायरीवर चंद्रामुळे  तो १ (स्वत: जातक) ३ (लहान प्रवास) कार्येश  झाला आहे. त्यामुळे जातक हे निश्चित घरी परतण्यात आहे हे लक्षात येते. त्यामुळे सबचा पूर्णत: होकार होता व आम्ही त्यास आपला मुलगा निश्चित परत येईल हे सांगितले.

आता पुन्हा एकदा दशास्वामीकडे वळलो. प्रश्नवेळी चंद्र-बुध-रवि-रवि २७/०२/२०१३ ते १/०३/२०१३ पर्यंत त्यामुळे आता रविचे कार्येश ग्रह हे key factor आहेत त्यामुळे रवि काय दर्शवितो ते पाहू.  

रवि नक्षत्रात कुठलही ग्रह नाही त्यामुळे तो बलवान आहे.

1- SUN* : -8, 2, 8
2-Star-Lord is RAH: 4, 7, 11
3-Sub-Lord is VEN:
4-Star-Lord of SubLord is RAH: 4, 7, 11
येथे रवि हा ८ (९ भावाचे व्यय) २ (३ भावाचे व्यय) ४ (घरी येणे) ११ (ईच्छापूर्ती) म्हणजेच जातक आज १ मार्च २०१३ पर्यंत येतील. हे उत्तर, त्यामुळे त्यांचा मुलगा घरी उद्या पर्यंत निश्चित येईल असे सांगीतले.

प्रश्नवेळेपासून साधारण पूर्ण दिवसाचा कालावधी त्यामुळे जातकाच्या आईची चिंता दूरव्हावी यासाठी रुलिंग प्लानेटकडे लक्ष दिले.   L:  चंद्र  S:  चंद्र  R: बुध  D: गुरु

प्रश्नवेळी  कर्क हे चरलग्न १७'४३'' सुरु होते व गुरु हा ११ स्थानी आहे. वरील रुलींग ग्रहांची जोडी हि बुधाच्या कन्या लग्नात येते. येथे लागलेच कागद-पेन घेउन सेकंदापर्यंतचा हीशोब करण्याची गरज नसते. कुठलेही लग्न हे साधारणपणे २ तास पूर्व क्षितीजावर असते. कर्क प्रश्नवेळेपासून साधारण पाउन तास राहणार नंतर सिंह लग्न - २ तास व नंतर कन्या लग्न हे सुरु होउन चंद्राच्या नक्षत्रात जाईल तेंव्हा घटना घडेल व त्यास पुन्हा ४०  मी. म्हणजेच जातक हे साधारण रात्री ८ ते ९ वाजेपर्यत घरी येतील हे उत्तर येते.

त्यामुळे त्या बाईस आपला मुलगा आला तर आज रात्रीच येईल असे सांगितले व उद्या चतुर्थी आहे, मुलगा घरी येईलच..! गणपतीस एक नारळ फोडा व चिंता करू नका असे सांगितले.

त्यांच्या डोळ्यातील आश्रू थांबतच नव्हते, परिस्थिती फारच बेताची होती, धुणे-भांडे करुन संसाराला हातभार लावत होत्या व त्याचाच मुलगा हा असा.  त्या आम्हास प्रश्न विचारल्याचे मानधन किती झाले असे विचारले. आता आम्ही त्यांचाकडून काय मानधन घेणार. आम्ही त्यास म्हटले की त्या गजाननाकडे आमच्यासाठी देखिल प्रार्थाना करा हेच आमचे मानधन..!

बाई गेल्यावर चहा घेण्यास पुन्हा उठलो तर फोनची रिंग वाजली, डोकं आता काम करनारच नव्हत..! या आमच्या चहास कुणाचा नाट लागला.. कुणास ठाउक..!

आज सकाळी ऑफिसमध्ये त्याबाई आल्या, आनंदात होत्या, त्यांचा मुलगा हा रात्री ८:३० ला घरी आला असे कळविले. या बाईने मेलद्वारे अभिप्राय कळवावा, ते तर शक्य नाही.  आज चतुर्थी आहे, तो गजाननच साक्षीदार...!

आपला,