सांगलीकरांचे आभार..!

|| श्री स्वामी समर्थ ||

नमस्कार,

कृष्णमूर्ती संशोधन संस्था सांगली यांच्यातर्फे ३१ मार्च २०१३ रोजी ४-स्टेप थेरी व के पी पद्धतीची एक दिवशीय कार्यशाळा घेण्यात आली. या संमेलनात प्रथम प्रमुख पाहुणे व उद्घाटक डॉ. सुनीलजी गोंधळेकर, डॉ. प्रा. विजय कुमार (दादा) वाणी, ज्योतिष संधर्भ ग्रंथकार श्री नेमिचंद सोनार, श्री मुनोद, श्री. महारुद्र हिरेमठ, सौ सुमती सामंत, सौ आरती शिवरकर याची उपस्थिती होती.

या संमेलनात कोल्हापूर, सातारा व सांगली मधील के.पी. अभ्यासकांची उपस्थिती होती. प्रथम डॉ. सुनील गोंधळेकर सरांच्या हस्ते उद्घाटन झाले व उपस्थित आमंत्रकांनी के पी विषयवार मार्गदर्शन केले.

आम्हाला कुठलाही असा विषय दिलेला नव्हता, परंतु आयोजकांच्या निवेदनामुळे नवीन अभ्यासाकांनी के पी व ४ स्टेप थेरी कशी आत्मसात करायची व आम्ही या शास्त्राचा कसा अनुभव घेत आहोत याचे मार्दर्शन 

केले.

याच संमेलनात आखिल भारतीय अध्यात्म पुणे संस्थेतर्फे आम्हास "जोतिष प्राज्ञ" ही पदवी व सुवर्ण पदक हे डॉ दादा वाणी व श्री मुनोद यांच्या हस्ते प्रदान करण्यात आले व डॉ गोंधळेकर सरांना "कृष्णमूर्ती महर्षी" ही पदवी, सुवर्ण पदक व मानचिन्ह देण्यात आले.

या कार्यक्रम यशस्वी बनविण्यासाठी कृष्णमूर्ती संशोधन संस्था सांगलीचे संस्थापक श्री महारुद्र हिरेमठ, कार्याध्यक्ष चेतन कुलकर्णी व सचिव शरद चौगुले यांनी प्रचंड परिश्रम घेतली व सांगली-कोल्हापूर भागात के.पी. चा पाया रुजविला व त्याची सुरुवात ही उत्तम झाली हे या संमेलानावरून व के.पी. अभ्यासाकच्या उपस्थितीवरून निश्चितच दिसून येते.

त्यांच्या उपक्रमास आमच्या शुभेच्छा व आभार..!

आपला,